.jpg)
San Adriango haitzuloa, haizeleku eta babesa, Santiago Bide eta Erregebideko Ibiltari erromes, artzain, zaldun, mikelete eta estraperloko garraiolari, mendigoizale eta maratoilari, herriko eta auzoko, hurbileko eta urruneko, ibiltari guztien mendez-mendeko begi erne, pasabide, haizeleku eta babes.
Galtzada zaharra, Aizkorriko gurutzetik Oria ibaiaren arrora, Kantaurialdeko hegitik Arabaldeko lautadara, aintzinako ibiltariaren ohiko pasabide eta gaurko bisitariaren ibilbide eta pausaleku, pagadien itzal eta ardien abaro.
Oinezkoen eta zaldizkoen joanetorri eta nekeak gizaldiz-gizaldi leundutako eta landutako harriz jantzia, denboraren lekuko ixil eta norabide.